സാബത്തുദിവസം രോഗശാന്തി പാടില്ലെന്നാണ് സിനഗോഗധികാരി കല്പിക്കുന്നത് (13:14). യേശു അവരോട് പ്രതികരിക്കുന്നത് കാപട്യക്കാരേ എന്നു വിളിച്ചുകൊണ്ടാണ്. എന്നിട്ട് മതനിയമത്തെക്കാള് വലുത് മനുഷ്യവിമോചനമാണെന്ന് പഠിപ്പിക്കുകയും ചെയ്യുന്നു (13:16). മനുഷ്യവിമോചനത്തിനായി ഏറ്റവും വിശുദ്ധമായ മതനിയമം പോലും ലംഘിക്കണമെന്നാണ് യേശു വാക്കിലൂടെയും പ്രവൃത്തിയിലൂടെയും പഠിപ്പിക്കുന്നത് (13:12,16). നിയമം അനുശാസിക്കുന്നതല്ല; കരുണയോടെ മറ്റുള്ളവരെ വീക്ഷിച്ച് അവരെ ദുഃഖദുരിതങ്ങളില് നിന്നും സ്വതന്ത്രനാക്കുന്ന പ്രവര്ത്തികള് ചെയ്യാനാണ് ദൈവം നമ്മെയും ക്ഷണിക്കുന്നത്.