സത്യത്തിനു സാക്ഷ്യംവഹിച്ചതിനു സ്നാപകനു വിലയായി നല്കേണ്ടി വന്നത് സ്വന്തം ജീവനാണ്. സത്യം പറയുക, അതിനുവേണ്ടി നിലകൊള്ളുക-അതു ധീരതയുടെ അടയാളമാണ്. സത്യത്തിന്റെ പോരാളികളാവുക, സത്യമാണ് ജീവിതത്തെ സ്വതന്ത്രമാക്കുന്നതെന്ന് തിരിച്ചറിയുക. ലോകദൃഷ്ടിയില് സത്യത്തിന്റെ മുഖം വികൃതമാണ്. സത്യത്തിന് ഒരു മുഖമേ ഉള്ളൂ. അത് ദൈവത്തിന്റെ മുഖമാണ്. സത്യം എല്ലാ നന്മകളുടെയും പുണ്യങ്ങളുടെയും ആകെ പേരാണ്. ഭീരുവായ് ഒരു സംവത്സരം ജീവിക്കുന്നതിലും നല്ലത് ധീരനായ് ഒരു ദിവസം ജീവിക്കുന്നതാണ്. ആ ഒരു ദിവസം ലോകാവസാനത്തോളം ഓര്മ്മയുണ്ടാകും