ഒരിക്കല്‍ പുറത്താക്കിയ തിന്മയുടെ തിരിച്ചുവരവ് വളരെ അപകടം നിറഞ്ഞതാണ്‌. ദുഷ്ടശക്തി ഇറങ്ങിപ്പോകുമ്പോള്‍ ആ ഒന്ന് തിരിച്ചുവരുന്നത് തന്നേക്കാള്‍ ശക്തിയേറിയ മറ്റ് ഏഴ് ദുരാത്മാക്കളെ കൂട്ടിയാണ്. അത് ഒരുവനെ പഴയതിലും മോശം മനുഷ്യനാക്കി മാറ്റും. അതുകൊണ്ട് നമ്മില്‍ നിന്നും മാറ്റാനാഗ്രഹിക്കുന്ന ദുഷ്ടതയും തിന്മയും ദുശീലങ്ങളും ഒക്കെ വേരോടെ പിഴുതുകളയണം. അതിന് ദൈവത്തിന്റെ സഹായവും എന്റെ പ്രവര്‍ത്തനവും വേണം. അതിനാണ് നല്ല ഉറച്ച പ്രതിജ്ഞകള്‍ എടുക്കേണ്ടത്.
നമ്മുടെ മനസ്സ് ആളൊഴിഞ്ഞു കിടക്കരുത്. അവിടെ ദൈവത്തെ വാസമുറപ്പിക്കുക. നമ്മുടെ മനസ്സിലും ശരീരത്തിലും ദൈവത്തിന്റെ സാന്നിധ്യം ഇല്ലെന്നു കാണുമ്പോഴാണ് മറ്റു ശക്തികള്‍ കൂടുതല്‍ അപകടകാരികളായി തിരിച്ചുവരുന്നത്. അതിനാല്‍ പുറത്തുപോയവന്‍ തിരിച്ചുവരാതിരിക്കാന്‍ അകത്ത് ദൈവത്തെ ഇരുത്തുക.
