ഈ വര്‍ഷം ജൂണിലെ പാപ്പായുടെ പ്രാര്‍ത്ഥനാ നിയോഗം കോവിഡ് 19 എന്ന മഹാമാരിയാല്‍ വലയുന്ന ലോകത്തിനുവേണ്ടിയുള്ള സഹാനുഭൂതിയാണ്. ഈ മഹാമാരിയാല്‍ ക്ലേശിക്കുന്ന ലോകത്തിലെ സകല ജനതയ്ക്കും വേണ്ടി എല്ലാവരും പ്രാര്‍ത്ഥിക്കണമെന്ന് പാപ്പാ അഭ്യര്‍ത്ഥിച്ചു. വീഡിയോ സന്ദേശത്തിലൂടെയാണ് പാപ്പാ പ്രാര്‍ത്ഥനാ നിയോഗം അറിയിച്ചത്.
‘പല തരത്തിലുള്ള നിസ്സഹായതകളിലൂടെയാണ് ലോകം കടന്നു പോകുന്നത്. എന്നാല്‍ ഓരോ ജീവിതങ്ങളെയും മാറ്റിമറിയ്ക്കാന്‍ സാധിക്കുന്ന സഹാനുഭൂതിയും കരുണയും പരസ്പരം നല്‍കിയാല്‍ അവയെ എല്ലാം അതിജീവിച്ച് മുന്നേറാന്‍ എല്ലാവര്‍ക്കും കഴിയും. അത് ഈശോയുടെ തിരുഹൃദയത്തിലേയ്ക്ക് എല്ലാവരേയും അടുപ്പിക്കുകയും ചെയ്യും’. പാപ്പാ സന്ദേശത്തില്‍ പറഞ്ഞു.
