യേശുവാണ് നമ്മുടെ രക്ഷകന്‍ എന്ന സദ്‌വാര്‍ത്ത ലോകത്തിനേകുക എന്ന നമ്മുടെ കടമയെക്കുറിച്ച് മാര്‍പാപ്പ ഓര്‍മ്മിപ്പിക്കുന്നു. ശനിയാഴ്ച കണ്ണിചേര്‍ത്ത ട്വിറ്റര്‍ സന്ദേശത്തിലാണ് ഫ്രാന്‍സിസ് പാപ്പായുടെ ഈ ഓര്‍മ്മപ്പെടുത്തലുള്ളത്.
“ക്രിസ്തുമസ് കടന്നുപോകുന്നു. എന്നാല്‍ നമ്മള്‍ കുടുംബജീവിതത്തിലേയ്ക്ക് മടങ്ങണം, ജോലിയില്‍ പ്രവേശിക്കണം, നമ്മള്‍ കേള്‍ക്കുകയും കാണുകയും ചെയ്തവയ്‌ക്കെല്ലാം നാം പരിവര്‍ത്തിതരായി, ദൈവത്തെ മഹത്വപ്പെടുത്തുകയും സ്തുതിക്കുകയും ചെയ്തുകൊണ്ടായിരിക്കണം ഈ തിരിച്ചുപോക്ക്. യേശുവാണ് നമ്മുടെ പരിത്രാതാവ് എന്ന സുവാര്‍ത്ത നാം ലോകത്തിലെത്തിക്കണം” എന്നാണ് പാപ്പാ ട്വിറ്ററില്‍ കുറിച്ചിരിക്കുന്നത്.
