തിരുവനന്തപുരം ലത്തീന്‍ രൂപതയുടെ കീഴിലെ അജപാലന-മീഡിയാ കമ്മീഷനുകള്‍ സംയുക്തമായി പുറത്തിറക്കിയതാണ് ഈ ഓണ്‍ലൈൻ ക്വിസ് ഗെയിം ആപ്പ്. കെ.സി.ബി.സി. ബൈബിള്‍ കമ്മിഷന്‍ ആഗോള തലത്തില്‍ സംഘടിപ്പിക്കുന്ന ഏറ്റവും വലിയ ക്വിസ് മത്സരമായ ലോഗോസ് ക്വിസ്സിന്റെ തയ്യാറെടുപ്പുകള്‍ക്ക് സഹായിക്കുന്ന തരത്തിലാണ് ആപ്പ് തയ്യാറാക്കിയിരിക്കുന്നത്.
ആന്‍ഡ്രോയിഡ് ഫോണുകളില്‍ ലഭ്യമാകുന്ന ആപ്പിന് ഉപഭോക്താക്കള്‍ക്കിടയില്‍ വന്‍ പ്രചാരമാണ് ലഭിക്കുന്നത്. 1300 ചോദ്യങ്ങളും 235 റൗണ്ടുകളുമായാണ് ക്വിസ് ആപ്പ് തയ്യാറാക്കിയിരിക്കുന്നത്. അവസാനഘട്ടം ലോഗോസ് ക്വിസ്സിന്റെ അതേ മാതൃകയിലാണ് തയ്യാറാക്കിയിരിക്കുന്നത്.
രൂപതയുടെ തന്നെ മരിയന്‍ എഞ്ചിനീറിങ് കോളേജില്‍ പഠിച്ചിറങ്ങിയ ഒരുപറ്റം വിദ്യാര്‍ത്ഥികളുടെ സ്റ്റാര്‍ട്ടപ്പ് കമ്പനിയുടെ ആദ്യ സംരംഭമാണ് ഈ ആപ്പ്. കഴിഞ്ഞ വര്‍ഷത്തെ ആദ്യ വെര്‍ഷന് തന്നെ മൂവായിരത്തിലധികം ഉപയോക്താക്കളും ഫൈവ് സ്റ്റാര്‍ റേറ്റിങ്ങും ലഭിച്ചതോടെയാണ് കൂടുതല്‍ സവിശേഷതകളോടെ ഈ വര്‍ഷത്തെ ലാഗോസ് ക്വിസ്സ് ആസ്പദമാക്കി രണ്ടാം വെര്‍ഷനും വരുന്നത്.
ആന്‍ഡ്രോയിഡ് ആപ്പ് സ്റ്റോറില്‍ ‘ലോഗോസ് ക്വിസ്സ് 2018’ എന്ന പേരില്‍ ഗെയിം ലഭ്യമാണ്‌. ‘ലോഗോസ് ക്വിസ് 2018’ ആപ്പ് ഇൻസ്റ്റാൾ ചെയ്യാൻ ഈ ലിങ്കിൽ ക്ലിക്ക് ചെയ്യുക. https://bit.ly/2EMRAEy
