കെ.സി.ബി.സി മീഡിയ കമ്മീഷന്റെ നേതൃത്വത്തില്‍ രണ്ടാമത് ട്രിനിറ്റാ ഫിലിം ഫെസ്റ്റിലേക്ക് എന്‍ട്രികള്‍ അയയ്ക്കാം. മികച്ച ഷോര്‍ട്ട് ഫിക്ഷന്‍ ഫിലീം, ഷോര്‍ട്ട് ഡോക്യുമെന്ററി, സംവിധായകന്‍ എന്നീ വിഭാഗങ്ങള്‍ക്കാണ് അവാര്‍ഡ്. മത്സരയോഗ്യമായ ചിത്രങ്ങള്‍ കെ.സി.ബി.സി -യുടെ ഐക്കണ്‍ മീഡിയ ഓണ്‍ലൈനിലൂടെ സംപ്രേക്ഷണം ചെയ്യും. മികച്ച പ്രേക്ഷക പ്രതികരണം നേടുന്ന ചിത്രത്തിന് പ്രത്യേക പുരസ്‌കാരം നല്‍കും. ജൂറി ചെയർമാൻ ശ്രീ. കെ.ജി. ജോർജ്, ജൂറി കൺവീനർ ശ്രീ. ജോൺ പോൾ.
എന്‍ട്രികള്‍ ജൂലൈ 25-നു മുന്‍പ് കെ.സി.ബി.സി മീഡിയ കമ്മീഷന്‍ പി.ഓ.സി, പാലാരിവട്ടം കൊച്ചി എന്ന വിലാസത്തിലേക്കോ kcbcshortfilm@gmail.com എന്ന ഇ-മെയിലിലേക്കോ അയ്ക്കണം.
വിശദവിവരങ്ങള്‍ക്ക് 828105456 എന്ന വാട്സ് ആപ്പ് നമ്പരില്‍ ബന്ധപ്പെടണമെന്ന് കെ.സി.ബി.സി മീഡിയ കമ്മീഷന്‍ സെക്രട്ടറി ഫാ. ഏബ്രഹാം ഇരിമ്പിനിക്കല്‍ അറിയിച്ചു.
