തിരുസഭ ഔദ്യോഗികമായി അംഗീകരിച്ചിരിക്കുന്ന അനേകം വിശുദ്ധരുണ്ട്. അവരുടെ തിരുനാള് വ്യത്യസ്ത സ്ഥലങ്ങളില് ഏതെങ്കിലും ദിവസം ആചരിക്കുന്നുണ്ടാവും. എന്നാല് പ്രാര്ഥനകൊണ്ടും ജീവിതവിശുദ്ധികൊണ്ടും സഭയെ സേവിച്ച അനേകര് വേറെയും സ്വര്ഗത്തിലുണ്ടല്ലോ. ഇവരുടെ ഓര്മ്മ പ്രത്യേകമാംവിധം സഭ ആചരിക്കുന്ന ദിനമാണിത്. സ്വര്ഗത്തിനും ദൈവത്തിനും മാത്രം അറിയാവുന്ന ഈ വിശുദ്ധാത്മാക്കളുടെ കൂട്ടത്തില് നമ്മുടെ സഹോദരങ്ങളും ബന്ധുജനങ്ങളുമൊക്കെ ഉള്പ്പെടുന്നുണ്ട്. ഇവരുടെ മാധ്യസ്ഥ്യം നമ്മെ സഹായിക്കുന്നുമുണ്ട്.
വി. വാലന്റൈന്
സ്പെയിനിലെ എല്ലോരിയോയിലായിരുന്നു വാലന്റൈന് ജനിച്ചത്. പ്രായപൂര്ത്തിയായപ്പോള് അദ്ദേഹം ഡൊമിനിക്കന് സഭയില് പ്രവേശിച്ചു. വൈദികനായശേഷം അദ്ദേഹത്തെ പ്രേഷിതപ്രവര്ത്തനത്തിനായി ഫിലിപ്പൈന്സിലേക്കയച്ചു. പിന്നീട് 1858 -ല് വാലന്റൈന് അപ്പസ്തോലിക് വികാറായി വിയറ്റ്നാമില് നിയമിതനായി. വൈകാതെ മെത്രാനായി അഭിഷേകം ചെയ്യപ്പെട്ടു.
വിയറ്റ്നാമില് പ്രേഷിതപ്രവര്ത്തനങ്ങളില് ഏര്പ്പെട്ടിരുന്ന വിശുദ്ധന് അധികംവൈകാതെ മതപീഡകരാല് അറസ്റ്റ് ചെയ്യപ്പെടുകയും ക്രൂരമായ പീഡകള്ക്കൊടുവില് ഹെര്മോസില്ലായിലെ ജെറോമിനോടും വാഴ്ത്ത. പീറ്റര് അണാത്തോയോടുമൊപ്പം വധിക്കപ്പെടും ചെയ്തു. 1988 -ല് ജോണ് പോള് രണ്ടാമന് പാപ്പായാണ് വാലന്റൈനെ വിശുദ്ധനായി പ്രഖ്യാപിച്ചത്.
വിചിന്തനം: ‘ദൈവം വിധിക്കുന്നത് മുഖംനോക്കിയോ, മാനുഷിക കാഴ്ചപ്പാടനുസരിച്ചോ അല്ല. മറിച്ച്, ഹൃദയവും ആന്തരിന്ദ്രിയങ്ങളും പരിശോധിച്ചാണ്.’
ഇതരവിശുദ്ധര്: അമാബിലിസ് (475)/ ഔസ്ത്രെമോണിയൂസ് (മൂന്നാം നൂറ്റാണ്ട്) ക്ലെര്മോണ്ടിലെ മെത്രാന്/ സെസാരിയൂസ് (+627) ക്ലെര്മോണ്ടിലെ മെത്രാന്/ സെയിത്തോ (ആറാം നൂറ്റാണ്ട്)/ അടിമയായ മേരി (+1300) രക്തസാക്ഷി/ പാബിയാളി (അഞ്ചാം നൂറ്റാണ്ട്)/ സെവരിനൂസ് (+609) സന്യാസി/ അച്ചട്ട/ ലിസിനൂസ് (+616) മെത്രാന്
ഫാ. ജെ. കൊച്ചുവീട്ടില്