“മാർപാപ്പയുടെ സന്ദർശനത്തിനായി ഞങ്ങൾ കാത്തിരിക്കുന്നു”: ബഹ്റൈനിലെ ആദ്യത്തെ റോമൻ കത്തോലിക്കാ പള്ളി പണിത കുടുംബം

നവംബർ മൂന്നു മുതൽ ആറു വരെ ഫ്രാൻസിസ് മാർപാപ്പ നടത്തുന്ന ബഹ്‌റൈൻ സന്ദർശനത്തിൽ പാപ്പായെ ആകാംക്ഷയോടെ കാത്തിരിക്കുകയാണ് ബഹ്റൈനിലെ ചില കത്തോലിക്കാ കുടുംബങ്ങൾ.

78-കാരിയായ നജ്‌ല ഉച്ചിയുടെ പിതാവ് ബാഗ്ദാദിൽ നിന്നുള്ള സൽമാൻ ഉച്ചിക്കാണ് 1939- ൽ രാജ്യത്തെ ആദ്യത്തെ റോമൻ കത്തോലിക്കാ പള്ളി പണിയാനുള്ള ചുമതല നൽകപ്പെട്ടത്. 80- ലധികം വർഷങ്ങൾക്കു ശേഷം, മാർപാപ്പ നവംബർ 6- ന് ചരിത്രപരമായ ഈ സേക്രഡ് ഹാർട്ട് ദൈവാലയം സന്ദർശിക്കും.

“ബാബ (അവളുടെ പിതാവ്) പള്ളി പണിതതിനു ശേഷം ഭയങ്കര സന്തോഷത്തിലായിരുന്നു. ഞാൻ ഈ  പള്ളിയെ സ്നേഹിക്കുന്നത് എന്റെ പിതാവ് നിർമ്മിച്ചതുകൊണ്ടല്ല, മറിച്ച് വൈദികരും സന്യാസിനികളും ഇവിടെ പ്രാർത്ഥിക്കാൻ വരുന്നു എന്നതിനാലാണ്. മാർപാപ്പ സമാധാനസന്ദേശവുമായാണ് ഇവിടെ സന്ദർശനത്തിനായി വരുന്നത്” – നജ്‌ല ഉച്ചി പറയുന്നു.

മറ്റൊരു ഇടവകാംഗമാണ് 79- കാരനായ അലക്‌സ് സിമോസ്. 1939- ൽ പള്ളിയിൽ വച്ച് ആദ്യമായി മാമ്മോദീസ സ്വീകരിച്ചത് തന്റെ സഹോദരിയാണെന്ന് സിമോസ് പറയുന്നു. 76- കാരിയായ ഫ്ലോറിൻ മത്യാസ് 1960- കളിൽ ഇന്ത്യയിൽ നിന്ന് ബഹ്‌റൈനിലേക്ക് വിവാഹം കഴിച്ചു വന്നയാളാണ്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.