തൊഴിലാളികളുടെ മധ്യസ്ഥനായ വിശുദ്ധ യൗസേപ്പ് പിതാവിന്റെ ഓർമ്മ തിരുനാൾ ദിനമായ മെയ് മാസം ഒന്നാം തീയതി തൊഴിലാളിദിനത്തിന്റെ മംഗളങ്ങൾ നേർന്നുകൊണ്ട് ഫ്രാൻസിസ് പാപ്പാ സമൂഹ മാധ്യമമായ എക്സ് ൽ ഹ്രസ്വസന്ദേശം അയച്ചു. ദൈവത്തിൽ ആശ്രയം വച്ചുകൊണ്ട് നമ്മുടെ പ്രവൃത്തികൾ ആരംഭിക്കേണ്ടതിന്റെയും, പൂർത്തിയാക്കേണ്ടതിന്റെയും ആവശ്യകത പാപ്പാ വെളിപ്പെടുത്തി.
സന്ദേശത്തിന്റെ പൂർണ്ണരൂപം ഇപ്രകാരമാണ്: “തൊഴിലാളികളുടെ മധ്യസ്ഥനായ വിശുദ്ധ യൗസേപ്പ് പിതാവിന്റെ ഓർമ്മ ആചരിക്കുന്നു. നമ്മുടെ വിശ്വാസം പുതുക്കാനും, ഊട്ടിയുറപ്പിക്കുവാനും കർത്താവിനോട് നമുക്ക് അപേക്ഷിക്കാം. അപ്രകാരം നമ്മുടെ എല്ലാ പ്രവർത്തനങ്ങളും അവനിൽ ആരംഭിക്കുകയും, പൂർത്തീകരിക്കുകയും ചെയ്യാം.”