ദൈവരാജ്യം നിങ്ങളുടെ ഇടയിൽത്തന്നെയുണ്ട് (21). നമ്മൾ അത് കാണുകയും സൃഷ്ടിക്കാൻ ശ്രമിക്കുകയും അനുഭവിക്കുകയും ചെയ്യുന്നുണ്ടോ എന്നതിലാണ് ശ്രദ്ധ ചെലുത്തേണ്ടത്. അനുദിന ജീവിതത്തിലെ സാധാരണ കൃത്യങ്ങള്‍ ദൈവസ്നേഹത്താൽ പൂരിതരായി നിര്‍വഹിക്കുമ്പോള്‍ ദൈവരാജ്യം നമ്മുടെ ഇടയില്‍ സ്ഥാപിക്കാന്‍ നമുക്കു സാധിക്കും; അനുഭവിക്കാന്‍ സാധിക്കും.
ദൈവസ്നേഹത്താൽ പ്രേരിതരായി നന്മ നിറഞ്ഞ ഇടങ്ങൾ നമ്മൾ എത്രമാത്രം സൃഷ്ടിക്കുന്നുണ്ടെന്നത് ധ്യാനവിഷയമാക്കണം. നമ്മുടെ ജീവിതസാഹചര്യങ്ങളില്‍ ദൈവരാജ്യം സ്ഥാപിക്കാൻ നമുക്ക് അവസരമുണ്ട്. അതിന് നമ്മൾ എത്രമാത്രം ശ്രമിക്കുന്നു? ദൈവത്തിൽ ആശ്രയിച്ചു ശ്രമിച്ചാൽ നമുക്കത് സാധിക്കും. ഓരോ കുടുംബവും ഓരോ ഇടവകയും ഓരോ തൊഴില്‍സ്ഥലവും ദൈവരാജ്യത്തിന്റെ ഭാഗമായി മാറേണ്ടതുണ്ട്. ദൈവരാജ്യം നിങ്ങളുടെ ഇടയിൽത്തന്നെയുണ്ട് (21) എന്ന വചനം നമ്മള്‍ വിസ്മരിക്കരുത്.
ഫാ. ജി. കടൂപ്പാറയിൽ MCBS
