കോട്ടയം: കോട്ടയം അതിരൂപതയുടെ പ്രഥമ മെത്രാപ്പോലീത്തയായിരുന്ന ആർച്ച്ബിഷപ് മാർ കുര്യാക്കോസ് കുന്നശേരിയുടെ ഒന്നാം ചരമവാർഷിക ശുശ്രൂഷകൾ നാളെ നടക്കും. കോട്ടയം ക്രിസ്തുരാജാ കത്തീഡ്രലിൽ രാവിലെ 10.30 ന് സീറോ മലബാർ സഭാ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരിയുടെ മുഖ്യകാർമികത്വത്തിൽ സമൂഹ ബലി അർപ്പിച്ചു സന്ദേശം നൽകും. ബിഷപ്പുമാരും അതിരൂപതയിലെ വൈദികരും സഹകാർമികരാകും.
കോട്ടയം അതിരൂപതയിലെ വൈദികരും പാസ്റ്ററൽ കൗണ്സിൽ അംഗങ്ങളും സമർപ്പിത സമൂഹങ്ങളിലെ പ്രതിനിധികളും അതിരൂപത സംഘടനാ ഭാരവാഹികളും ഇടവകകളിൽനിന്നുള്ള പ്രതിനിധികളും ദിനാചരണത്തിൽ പങ്കെടുക്കും.