ദൈവത്തിന്റെ രക്ഷകനെ ആഗ്രഹത്തോടെ കാത്തിരിക്കുകയും അവന്‍ വരുമ്പോള്‍ സ്വീകരിക്കുകയും ചെയ്യുന്നവരുടെ മുന്‍പിലാണ് കര്‍ത്താവ് പ്രത്യക്ഷപ്പെടുകയും അത്ഭുതം പ്രവര്‍ത്തിക്കുകയും ചെയ്യുന്നത്. സറപ്തായിലെ വിധവും സിറിയക്കാരനായ നാമാനും അതിനു ഉദാഹരണങ്ങളാണ്. ദൈവം വരുന്നത് അവിടുത്തെ ആഗ്രഹിച്ചു കാത്തിരിക്കുന്നവരുടെ അടുത്തേക്കാണ്‌. എന്റെ വേദനയുടെ നടുവില്‍ കര്‍ത്താവിനെ കാത്തിരിക്കാന്‍ എനിക്ക് കഴിയുന്നുണ്ടോ? സ്വന്തം നാടും വീടും തള്ളിപ്പറഞ്ഞാലും, കര്‍ത്താവിനു പ്രവര്‍ത്തിക്കാന്‍ ആരുമില്ലാത്തവര്‍ ഉണ്ട്. അതിനാല്‍ എല്ലാവിധത്തിലും തകര്‍ന്നവനാണെങ്കിലും വിഷമിക്കേണ്ട. ആരുമില്ലാത്തവരെ സഹായിക്കുന്ന ഒരു ദൈവം നിനക്കുണ്ട്.
