റോമന് പട്ടാളക്കാരെ ഭയന്നോടുന്ന മേരിയില് നിന്നാണ് ഈ സിനിമ ആരംഭിക്കുന്നത്. ഈ ദുഷ്ഭരണത്തില് നിന്നും തങ്ങളെ രക്ഷിക്കാന് ക്രിസ്തു വരുമെന്ന് പറഞ്ഞ് ജോസഫ് അവളെ ആശ്വസിപ്പിക്കുന്നു. മറിത്തിന്റെ കൗമാരം മുതല് ഈ സിനിമയില് പറഞ്ഞിരിക്കുന്നു. സുവിശേഷത്തില് നിന്ന് വിഭിന്നമായി മേരി അനുഭവിച്ച ചെറിയ സമ്മര്ദ്ദങ്ങള് വരെ വളരെ വിശദമായി ഈ സിനിമയില് പ്രതിപാദിച്ചിരിക്കുന്നു.
മറിയം മംഗളവാര്ത്ത കേള്ക്കുന്ന സമയം മുതല് ക്രിസ്തു കുരിശില് മരിച്ച് ഉയര്ത്തെഴുന്നേല്ക്കുന്ന സമയം വരെയുളള കാര്യങ്ങളാണ് ഈ ചിത്രത്തില്. തന്റെ പുത്രന്റെ സഹനങ്ങള് മേരി കാണുകയും അതിലെ ദൈവിക പദ്ധതികള് തിരിച്ചറിയുകയും ചെയ്യുന്നു. കെവിന് കോണര് സംവിധാനം ചെയ്ത ഈ ചിത്രത്തിന്റെ തിരക്കഥ രചിച്ചിരിക്കുന്നത് ആല്ബര്ട്ട് റോസ് ആണ്. ക്രിസ്തുവിന്റെ ജീവിതത്തില് പരിശുദ്ധ അമ്മയ്ക്കുളള പ്രാധാന്യം വ്യക്തമാക്കുന്ന ചിത്രമാണിത്.