ഇന്ന് പരേതരായ വൈദികരെ അനുസ്മരിക്കുന്ന ദിനമാണ്. അവരുടെ പരിപാവന സ്മരണയ്ക്കു മുമ്പില് ശിരസ്സ് നമിച്ചു പ്രാര്ത്ഥിക്കാം.
തയ്യാറെടുക്കുന്നവരും തയ്യാറെടുക്കാത്തവരുമായ ആളുകളെക്കുറിച്ചാണ് ഇന്നത്തെ സുവിശേഷം നമ്മെ ഓര്മ്മിപ്പിക്കുക. സഭയാണ് നമ്മുടെ ഭവനം; ഭക്ഷണം എന്നത് തിരുവചനവും കൂദാശകളുമാണ്. യജമാനന് യേശുവാണ്. സഭയിലെ നേതൃത്വത്തെക്കുറിച്ചാണ് ഇവിടെ പരാമര്ശിക്കുക. തിരുസഭാഗാത്രത്തെ പണിതുയര്ത്താനുള്ള ആഹ്വാനമാണത്.
ഭൃത്യന് വിശ്വസ്തത വേണം, വിവേകം വേണം. ആരാണ് വിശ്വസ്തന്? ആരാണ് വിവേകി? വിശ്വസ്തതയോടെ ജോലി ചെയ്യുന്നവനാണ് ഈ കര്മ്മത്തിന്റെ അവകാശി.
തിരുസഭയെ പണിതുയര്ത്തുന്ന കാര്യത്തില് നമ്മുടെ വിശ്വസ്തത, വിവേകം എന്നിവയൊക്കെ നമ്മുടെ സ്വകാര്യസ്വത്ത് ആക്കാതെ പൊതുനന്മയ്ക്കായി ഉപയോഗിക്കുക. ഉത്തരവാദിത്വബോധത്തോടെ തിരുസഭയോട് ചേര്ന്ന് ജോലി ചെയ്യാം. അങ്ങനെ ദൈവം നമ്മുടെ ജോലിക്ക് പ്രതിഫലം നല്കട്ടെ.
ഫാ. ലിബിന് വര്ഗ്ഗീസ് OIC