ലോക യുവജനദിനത്തിനു മുന്നോടിയായി കോട്ടയം അതിരൂപതയിലെ യുവജന സംഘടനയായ ക്‌നാനായ കാത്തലിക് യൂത്ത് ലീഗിന്റെ ആഭിമുഖ്യത്തില്‍ കൈപ്പുഴ സെന്റ് ജോര്‍ജ് ഫൊറോന പള്ളിയില്‍ യുവജനസംഗമം സംഘടിപ്പിച്ചു.
കെ.സി.വൈ.എല്‍ യൂണിറ്റു പ്രസിഡന്റ് ജോഷ്വാ വെട്ടിക്കാട്ടിന്റെ അദ്ധ്യക്ഷതയില്‍ അതിരൂപതാ വികാരി ജനറാള്‍ ഫാ. മൈക്കിള്‍ വെട്ടിക്കാട്ട് സംഗമം ഉദ്ഘാടനം ചെയ്തു. കൈപ്പുഴ ഫൊറോന വികാരി ഫാ. ബേബി കട്ടിയാങ്കല്‍ ആമുഖസന്ദേശം നല്‍കി.
യൂണിറ്റ് ഡയറക്ടര്‍ ടോബി തെക്കേടത്തുപറമ്പില്‍, സിസ്റ്റര്‍ അഡൈ്വസര്‍ സി. സ്‌നേഹ എസ്.ജെ.സി, സെക്രട്ടറി എബിന്‍ തോമസ് കണിയാംകുന്നേല്‍ എന്നിവര്‍ പ്രസംഗിച്ചു. ജസ്റ്റിന്‍ വെള്ളാപ്പള്ളിക്കുഴിയില്‍, ജോസുകുട്ടി താളിവേലില്‍, ടോണി മാക്കീല്‍ എന്നിവര്‍ ക്ലാസ്സുകള്‍ നയിച്ചു. 145 യുവജനങ്ങള്‍ സംഗമത്തില്‍ പങ്കെടുത്തു.
