2017 -ൽ ഇസ്ലാമിക ഭീകരർ തട്ടിക്കൊണ്ടു പോയ സി. ഗ്ലോറിയ സിസിലിയ നർവ്വീസിന്റെ മോചനത്തിനായി പ്രത്യേകം പ്രാർത്ഥിക്കാൻ ആവശ്യപ്പെട്ട് മാമി ഫൗണ്ടേഷൻ. വികാരനിർഭരമായ ഒരു വീഡിയോ പുറത്തിറക്കിക്കൊണ്ടാണ് ഫൗണ്ടേഷൻ ഈ കാര്യം ആവശ്യപ്പെട്ടത്. മിഷനറി ഓഫ് ദി ഫ്രാൻസിസ്കൻ സിസ്റ്റേഴ്സ് ഓഫ് മരിയ ഇമ്മാക്കുലാഡാ സന്യാസ സഭാംഗമായ സിസ്റ്ററിനെ 2017 ഫെബ്രുവരി ഏഴിനാണ് തട്ടിക്കൊണ്ടു പോയത്.
ഈ വർഷം ജൂലൈയിൽ സിസ്റ്റർ അവരുടെ സ്വന്തം കൈപ്പടയിൽ എഴുതിയ കത്തിലൂടെ എല്ലാവരുടെയും പ്രാർത്ഥനാസഹായവും രക്ഷിക്കാനുള്ള ശ്രമങ്ങളും നടത്തണമെന്ന് ആവശ്യപ്പെട്ടു. 2019 -ൽ ഫ്രാൻസിസ് മാർപാപ്പയോട് സഹായം അഭ്യർത്ഥിച്ചു കൊണ്ടുള്ള വീഡിയോ പുറത്തിറങ്ങിയിരുന്നു. സംഘടനയുടെ ‘പ്രൊജക്റ്റ് അവെയ്ക്ക്’ എന്ന പദ്ധതിയിൽ സി. ഗ്ലോറിയയുടെ ഫോട്ടോ അടങ്ങിയ വീഡിയോ ആണ് പ്രാർത്ഥനാസഹായം ആവശ്യപ്പെട്ടുകൊണ്ട് പുറത്തിറക്കിയിരിക്കുന്നത്. അവരെ മറക്കരുതെന്നും അവർക്കു വേണ്ടി പ്രാർത്ഥിക്കുന്നത് അവസാനിപ്പിക്കരുതെന്നും വീഡിയോയിൽ ആവശ്യപ്പെടുന്നു.