ട്രൂജില്ലോയിലെ 69 -കാരനായ ബിഷപ്പ് കോസ്റ്റർ ഓസ്വാൾഡോ അസുവാജെ കോവിഡ് മൂലം മരണമടഞ്ഞു. ഇന്നലെ വെളുപ്പിനെയായിരുന്നു മരണം. കോവിഡ് ബാധിതരായി നിരവധി വൈദികൻ മരണമടഞ്ഞിരുന്നു എങ്കിലും ഒരു ബിഷപ്പ് മരിക്കുന്നത് ആദ്യമായിട്ടാണ്.
1951 ഒക്ടോബർ 19 -ന് വെനിസ്വേലയിലെ മറാകൈബോയിലാണ് അസുവാജെ ജനിച്ചത്. കർമ്മലൈറ്റ് സന്യാസ സമൂഹത്തിൽ ചേർന്ന അദ്ദേഹം സ്പെയിൻ, ഇസ്രായേൽ, റോം എന്നിവിടങ്ങളിൽ രൂപീകരണം പൂർത്തിയാക്കി. 1975 ക്രിസ്മസ് ദിനത്തിൽ പൗരോഹിത്യം സ്വീകരിച്ചു. 2007 -ൽ മറാകൈബോ അതിരൂപതയുടെ സഹായ മെത്രാനായി നിയമിതനായി. 2012 -ൽ ബെനഡിക്റ്റ് പതിനാറാമൻ മാർപ്പാപ്പ അദ്ദേഹത്തെ ട്രൂജിലോ ബിഷപ്പായി നിയമിച്ചു.
ബിഷപ്പിന്റെ നിര്യാണത്തിൽ ദുഃഖം രേഖപ്പെടുത്തുന്നു എന്നും നമ്മുടെ കർത്താവായ യേശുക്രിസ്തുവിന്റെ പുനരുത്ഥാന വാഗ്ദാനത്തിൽ ഞങ്ങൾ പ്രത്യാശ കണ്ടെത്തുന്നു എന്നും മെത്രാൻ സമിതി വെളിപ്പെടുത്തി. വെനസ്വേലയിൽ 42 ബിഷപ്പുമാരാണ് ഉള്ളത്.
