സാഹോദര്യ സഹകരണം ലക്ഷ്യം വയ്ക്കുന്ന വിദ്യാഭ്യാസ ധാരണാപത്രത്തില്‍ ഒപ്പുവച്ച് വത്തിക്കാനും യുഎഇയും

വിദ്യാഭ്യാസ മേഖലയില്‍ സാഹോദര്യ സഹകരണം ലക്ഷ്യം വയ്ക്കുന്ന ധാരണാപത്രത്തില്‍ ഒപ്പുവച്ച് വത്തിക്കാനും യുഎഇ -യും. കഴിഞ്ഞ തിങ്കളാഴ്ച അബുദാബിയില്‍ വച്ചു നടന്ന ചടങ്ങില്‍ യുഎഇ -യുടെ വിദ്യഭ്യാസമന്ത്രി ഹുസ്സയിന്‍ ബിന്‍ ഇബ്രാഹിം അല്‍ ഹമ്മദിയും കത്തോലിക്കാ വിദ്യാഭ്യാസത്തിനായുള്ള വത്തിക്കാന്‍ സംഘത്തിന്റെ അദ്ധ്യക്ഷന്‍ കര്‍ദ്ദിനാള്‍ ജുസേപ്പെ വെര്‍സാല്‍ദിയും ചേര്‍ന്നാണ് ധാരണാപത്രത്തില്‍ ഒപ്പുവച്ചത്.

വിദ്യഭ്യാസ മേഖലയില്‍ സാഹോദര്യ സഹകരണം ലക്ഷ്യം വയ്ക്കുന്നതാണ് ഈ ധാരണാപത്രം. യഥാര്‍ത്ഥ സാഹോദര്യം വാഴുന്നതും സമാധാനപരവും കൂട്ടുത്തരവാദിത്വാവബോധം അനുഭവപ്പെടുന്നതുമായ ഒരു ലോകത്തോടുള്ള പ്രതിപത്തി പുത്തന്‍ തലമുറകളിലുണര്‍ത്താന്‍ വിദ്യാഭ്യാസം സംഭാവന ചെയ്യുമെന്ന് കത്തോലിക്കാ വിദ്യഭ്യാസത്തിനായുള്ള വത്തിക്കാന്‍ സംഘത്തിന്റെ അദ്ധ്യക്ഷന്‍ കര്‍ദ്ദിനാള്‍ ജുസേപ്പെ വെര്‍സാല്‍ദി തദവസരത്തില്‍ പറഞ്ഞു.

2019 ഫെബ്രുവരി 4 -ന് യുഎഇ സന്ദര്‍ശന വേളയില്‍ ഫ്രാന്‍സിസ് പാപ്പയും അല്‍ അഷറിലെ ഗ്രാന്‍ഡ് ഇമാം അഹമ്മദ് അല്‍ തയ്യിബും ഒപ്പുവച്ച ‘വിശ്വശാന്തിക്കു വേണ്ടിയുള്ള മാനവസാഹോദര്യ പ്രഖ്യാപനത്തിന്റെ’ ചുവടുപിടിച്ചാണ് ഈ ധാരണാപത്രവും. വിദ്യഭ്യാസ മേഖലയ്ക്കു നേരെ ഉയരുന്ന വെല്ലുവിളികളെ ഒത്തൊരുമിച്ചു നേരിടുന്നതിനുള്ള സന്നദ്ധത കത്തോലിക്കാ വിദ്യാഭ്യാസത്തിനായുള്ള വത്തിക്കാന്‍ സംഘം അറിയിച്ചു. ലോകത്തില്‍ 2,16,000 കത്തോലിക്കാ വിദ്യാലയങ്ങളും 1760 കത്തോലിക്കാ സര്‍വ്വകലാശാലകളും കത്തോലിക്കാ വിദ്യാഭ്യാസത്തിനായുള്ള വത്തിക്കാന്‍ സംഘവുമായുള്ള ബന്ധത്തില്‍ പ്രവര്‍ത്തിക്കുന്നുണ്ട്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.