പ്രവാസികളെയും അഭയാര്‍ഥികളെയും സ്വീകരിക്കുന്ന തുറവിയുടെ സംസ്കാരം രൂപപ്പെടുത്തുവാന്‍ പൊതു സമൂഹത്തിനു ബാധ്യത ഉണ്ടെന്നു വരാപ്പുഴ ആര്‍ച്ച് ബിഷപ്പ് ഡോ. ജോസഫ് കളത്തിപ്പറമ്പില്‍. സിബിസിഐ ലേബര്‍ കമ്മീഷനും വര്‍ക്കേഴ്സ് ഇന്ത്യ ഫെഡറേഷനും കേരള ലേബര്‍ മൂവ്മെന്റും ചേര്‍ന്ന് നടത്തിയ സെമിനാറിലാണ് അദ്ദേഹം ഈ കാര്യം അഭിപ്രായപ്പെട്ടത്.
കുടിയേറ്റത്തിന്റെ ദുരിതങ്ങള്‍ ഏറ്റുവാങ്ങുന്നവരുടെ ജീവിതം നമ്മുടെ ജീവിതവുമായി ചേര്‍ത്തു വയ്ക്കുമ്പോഴാണ് അവരുടെ പ്രശ്നങ്ങളുടെ വ്യാപ്തിയും ആഴവും നമുക്ക് മനസിലാക്കുവാന്‍ കഴിയുന്നത്. സുരക്ഷിതവും നിയമാനുസൃതവും ആയ കുടിയേറ്റത്തിന് സാഹചര്യങ്ങള്‍ ഒരുക്കുവാന്‍ നമ്മള്‍ പ്രതിജ്ഞാബദ്ധരാണ് എന്ന് അദ്ദേഹം ചൂണ്ടിക്കാട്ടി.
അന്തര്‍ദേശീയ കുടിയേറ്റം: പ്രശ്നങ്ങളും സാധ്യതകളും എന്ന വിഷയത്തെ അടിസ്ഥാനമാക്കിയാണ് സെമിനാര്‍ നടന്നത്.
