ഈ പ്രാവശ്യത്തെ വർഷാവസാന, വർഷാരംഭ പ്രാർത്ഥനകളിൽ ഫ്രാൻസിസ് പാപ്പാ പങ്കെടുത്തില്ല. നാഡികളെ ബാധിച്ചിരിക്കുന്ന സയാറ്റിക്ക രോഗം മൂലമുള്ള വേദനയെ തുടർന്നാണിത്. പുതുവർഷ ആഘോഷ പരിപാടികളിലും പാപ്പാ പങ്കെടുത്തില്ല. പരിശുദ്ധ സിംഹാസനത്തിന്റെ പ്രസ് ഓഫീസ് ഡയറക്ടർ മാറ്റിയോ ബ്രൂണി ഡിസംബർ 31-ന് അയച്ച പ്രസ്താവനയിലൂടെയാണ് ഇക്കാര്യം അറിയിച്ചത്.
ദൈവമാതാവായ പരിശുദ്ധ മറിയത്തിന്റെ തിരുനാൾ ദിനമായ ജനുവരി ഒന്നിന് നടക്കുന്ന വിശുദ്ധ കുർബാനയ്ക്ക് വത്തിക്കാൻ സ്റ്റേറ്റ് സെക്രട്ടറി കർദ്ദിനാൾ പിയട്രോ പരോളിൻ അദ്ധ്യക്ഷത വഹിക്കും. എന്നാൽ ഉച്ചയ്ക്കുള്ള ആഞ്ചലൂസ് പ്രാർത്ഥനയ്ക്ക് പാപ്പാ നേതൃത്വം നൽകും.