വെടിയേറ്റ ബിഷപ്പിന്റെ സ്ഥാനാരോഹണ ചടങ്ങുകൾ അടുത്ത വർഷത്തേയ്ക്കു മാറ്റി

സെൻട്രൽ സൗത്ത് സുഡാനിലെ റംബെക്കിന്റെ ബിഷപ്പായി തിരഞ്ഞെടുക്കപ്പെട്ട ക്രിസ്റ്റ്യൻ കാർലാസാരെയുടെ സ്ഥാനാരോഹണ ചടങ്ങുകൾ 2022 -ലേക്കു മാറ്റി. ഈ വർഷം മെയ് 23 -ന് നടത്തേണ്ട ചടങ്ങുകൾ, അദ്ദേഹത്തിന്റെ രണ്ടു കാലുകൾക്കും വെടിയേറ്റതിനെ തുടർന്ന് മാറ്റിവയ്ക്കുകയായിരുന്നു. ഏപ്രിൽ 26 -നാണ് അദ്ദേഹത്തിന് വെടിയേറ്റത്.

കെനിയയിലെയും ദക്ഷിണ സുഡാനിലെയും അപ്പസ്തോലിക് ന്യൂൺഷ്യോ ആർച്ചുബിഷപ്പ് ബെർട്ട് വാൻ മെഗൻ ഒക്ടോബർ 30 -ലെ പ്രസ്താവനയിലാണ് ഇക്കാര്യം വ്യക്തമാക്കിയത്. “റംബെക്കിലെ ബിഷപ്പായി തിരഞ്ഞെടുക്കപ്പെട്ട ക്രിസ്റ്റ്യൻ കാർലാസറെയുടെ മെത്രാഭിഷേകം 2022 -ലേക്ക് മാറ്റിവച്ചിരിക്കുന്നു. പരിശുദ്ധ സിംഹാസനത്തെ പ്രതിനിധീകരിച്ച് ഈ തീരുമാനം നിങ്ങളെ അറിയിക്കേണ്ടത് എന്റെ കടമയാണ്” – അദ്ദേഹം പറഞ്ഞു. ദക്ഷിണ സുഡാനിലെയും സുഡാനിലെയും പ്രാദേശിക ഓർഡിനറികൾക്കും അപ്പസ്‌തോലിക് അഡ്മിനിസ്ട്രേറ്റർമാർക്കും എഴുതിയ കത്തിലാണ് അദ്ദേഹം ഇക്കാര്യം സൂചിപ്പിച്ചത്.

പത്തു വർഷങ്ങൾക്കു ശേഷമാണ് റംബെക്കിലേക്ക് പുതിയ ബിഷപ്പിനെ ഫ്രാൻസിസ് പാപ്പാ നിയമിച്ചത്. 44 -കാരനായ ഇറ്റാലിയൻ വംശജനായ ഫാ. ക്രിസ്റ്റ്യൻ കാർലാസാരെ ഒരു മിഷനറി വൈദികനായിരുന്നു. വെടിയേറ്റ അദ്ദേഹം സുഖം പ്രാപിച്ചു വരികയാണ്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.