കണ്ടു ഞാന്‍ ദുഃഖത്തിന്‍ മൂര്‍ത്തിരൂപം
അന്ന് കല്ലേറുദൂരെ ഗത്സമെനില്‍…
കണ്ടു ഞാന്‍ സ്‌നേഹത്തിന്‍ പരമമാം ഭാവം
കാല്‍വരി ഗിരിമേല്‍ ഗാഗുല്‍ത്തായില്‍…
എന്നുടെ പാപ പരിഹാരമോ നീ
സ്വര്‍ഗ്ഗ-ഭൂമധ്യേ മൂന്നാണിമേല്‍ ചെയ്തു
ക്രൂശിതനായ് അന്ന് ജീവന്‍ വെടിഞ്ഞ നാള്‍
താതനുമായ് എന്നെ ചേര്‍ത്തണച്ചു…
ക്രൂശിതാ, നിന്നെ വണങ്ങിടുന്നു…
തിരുവോസ്തി രൂപനായി സക്രാരിയില്‍ നീ
വാഴുവതെന്നോട് ചേരുവാനോ…
നീ വരും നേരം ഹൃദയമൊരുക്കി ഞാന്‍
ജീവിക്കും സക്രാരി ആയിടട്ടെ…
സ്‌നേഹമേ നിന്നില്‍ ഞാന്‍ ലയിച്ചിടട്ടെ…
ജീനാ ടോം
