ജീവിക്കുന്ന യേശുവാണ് ജീവിതത്തിന്‍റെ പൊരുള്‍ എന്ന് പാപ്പാ. രക്തസാക്ഷിയായ വി. ലോറന്‍സിന്‍റെ തിരുനാള്‍ ദിനത്തില്‍ അതായത്, ഈ ശനിയാഴ്ച (10/08/2019) കണ്ണിചേര്‍ത്ത ട്വിറ്റര്‍ സന്ദേശത്തിലാണ് ഫ്രാന്‍സിസ് പാപ്പാ “വി. ലോറന്‍സ് നിണസാക്ഷി” (#StLawrenceMartyr) എന്ന ഹാഷ്ടാഗോടു കൂടി ക്രൈസ്തവ ജീവിതത്തിന്‍റെ ഈ രഹസ്യത്തെക്കുറിച്ച് പറയുന്നത്.
“യേശു ജീവിക്കുന്നുവെന്നും അവിടുന്നാണ് ജീവിതത്തിന്‍റെ കേന്ദ്രരഹസ്യമെന്നുമാണ് ക്രൈസ്തവസാക്ഷി മൗലികമായി പ്രഘോഷിക്കുന്നത്” എന്നാണ് പാപ്പാ ട്വിറ്ററില്‍ കുറിച്ചിരിക്കുന്നത്.
വിവിധ ഭാഷകളിലായി 4 കോടിയിലേറെ വരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍ അറബി, ലത്തീന്‍, ജര്‍മ്മന്‍, ഇറ്റാലിയന്‍, ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച് എന്നിങ്ങനെ 9 ഭാഷകളില്‍ ലഭ്യമാണ്.
