വധശിക്ഷ നിയമപരമാക്കുവാനുള്ള പ്രസിഡന്റിന്റെ ആഹ്വാനം തള്ളി ഫിലിപ്പീൻസിലെ സഭ 

വധശിക്ഷ പുനരുജ്ജീവിപ്പിക്കാനുള്ള പ്രസിഡന്റ് റോഡ്രിഗോ ഡ്യുർട്ടെയുടെ ആഹ്വാനത്തെ ചേർത്ത് ഫിലിപ്പീൻസിലെ കത്തോലിക്കാ സഭ. ജൂലൈ 22-ന് മനിലയിൽ നടന്ന സമ്മേളനത്തിൽ വച്ച് നൽകിയ സന്ദേശത്തിലാണ് പ്രസിഡണ്ട് വധശിക്ഷ വീണ്ടും കൊണ്ടുവരുന്നതിനുള്ള ആഹ്വാനം നടത്തിയത്.

സമാധാനവും നീതിയും വാഴുകയും പരമാധികാരം വിലമതിക്കുകയും മനുഷ്യാവകാശങ്ങൾ ഉയർത്തിപ്പിടിക്കുകയും ചെയ്യുന്ന ഒരു രാജ്യത്തിന്റെ ദർശനം വിസ്മൃതിയിലേക്ക് നീങ്ങുകയാണ്. ഇന്ന് രാജ്യം നേരിടുന്ന ഈ പ്രതിസന്ധി, രാഷ്ട്രീയ-സാമൂഹികപ്രശ്നം മാത്രമല്ല. ആത്മീയവും ധാർമ്മികവും കൂടിയാണ് എന്ന് സഭാവൃത്തങ്ങൾ പ്രതികരിച്ചു.

വധശിക്ഷ പുനഃസ്ഥാപിക്കുന്ന നിയമം പരിഗണിക്കുമ്പോൾ സഭാവിശ്വാസികളും നേതാക്കളും നിയമനിർമ്മാതാക്കളും പ്രത്യേകം ശ്രദ്ധിക്കണം എന്ന് ജയിൽ പാസ്റ്ററൽ കെയർ എപ്പിസ്കോപ്പൽ കമ്മീഷൻ എക്സിക്യൂട്ടീവ് സെക്രട്ടറി റോഡോൾഫോ ഡയമാന്റെ ആവശ്യപ്പെട്ടു. 1987-ലെ ഭരണഘടനാപ്രകാരം ഫിലിപ്പീൻസിൽ വധശിക്ഷ നിർത്തലാക്കിയിരുന്നു. എന്നാൽ 2017 മുതൽ വധശിക്ഷ പ്രാബല്യത്തിൽ കൊണ്ടുവരാനുള്ള ശ്രമത്തിലാണ് ഭരണകൂടം.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.