വത്തിക്കാന്റെ Institute for the Works of Religion (IOR) 2017ലെ വാര്‍ഷിക റിപ്പോര്‍ട്ട് പ്രസിദ്ധീകരിച്ചു. ഏപ്രില്‍ 24-ന് ഓഡിറ്റ് ചെയ്തിരിക്കുന്ന സാമ്പത്തിക വിനിയോഗത്തിന്റെ കണക്കുകള്‍ കര്‍ദിനാള്‍മാരുടെ കമ്മീഷന് സമര്‍പ്പിച്ചു.
കത്തോലിക്കാ ധാര്‍മികത ഉള്‍ക്കൊള്ളിച്ചും, മാനവ അന്തസ്സിനെയും പ്രകൃതിപരിരക്ഷയെയും കണക്കിലെടുത്തും ഗുണപരമായ ലക്ഷ്യങ്ങള്‍ നേടാന്‍ കഴിഞ്ഞിട്ടുണ്ടെന്നും റിപ്പോര്‍ട്ടില്‍ സൂചിപ്പിക്കുന്നു. 2017-ല്‍ 15,000 ഉപഭോക്താക്കള്‍ക്കാണ് ബാങ്ക് സേവനം നല്‍കിയിട്ടുള്ളത്. ബാങ്കിന്റെ നീക്കിയിരുപ്പു തുകയുടെ അനുപാതം 68.26% ആയി വര്‍ധിച്ചുവെന്നും റിപ്പോര്‍ട്ട് വ്യക്തമാക്കുന്നു
