സീറോ മലങ്കര സെപ്റ്റംബര്‍ 17 മത്തായി 23: 1-12 നിങ്ങള്‍ക്ക് ഒരു നിറമേ പാടുള്ളൂ

പ്രകടനങ്ങളും പ്രദര്‍ശനങ്ങളും മതജീവിതത്തിന്റെ ആന്തരീകതയെ തിന്നുന്ന കാലമാണിത്. സ്ഥലവും സാഹചര്യവും അനുസരിച്ചു മാത്രം ഡയലോഗ് പറയുന്നവരാണ്. അവര്‍ക്ക് ‘അതെ’ എന്നോ ‘അല്ല’ എന്നോ പറയാന്‍ സാധിക്കില്ല. ചോദ്യങ്ങള്‍ക്കുള്ള ഉത്തരം അവര്‍ക്കില്ല.

ജോര്‍ദ്ദാന്‍ തീരത്തും, വിജാതീയരുടെ ഗലീലികളിലും, ശിമയോന്റെ അത്താഴ മേശകളിലും, നഥാനിയേലിന്റെ അത്തിമരച്ചുവട്ടിലും, പീലാത്തോസിന്റെ അരമനയിലും, സക്കേവൂസിന്റെ ഭവനത്തിലും, ലേവിയുടെ ചുങ്കസ്ഥലത്തും നിറം മാറാതെ സ്ഥിതപ്രജ്ഞനായി നിന്നവന്‍ നമ്മോടും പറയുന്നു: “നിങ്ങള്‍ ഓന്തുകളല്ല; മനുഷ്യരാണ്. നിങ്ങള്‍ക്ക് ഒരു നിറമേ പാടുള്ളൂ.”