ഓരോ ദിവസത്തെയും അപ്പം തരണമേ എന്ന് പ്രാര്ത്ഥിക്കാനാണ് യേശു പഠിപ്പിക്കുന്നത് (11:3). അതിലൂടെ ലഭിക്കുന്നത്, നിരന്തരമായി ദൈവത്തില് ആശ്രയിക്കാനുള്ള അവസരമാണ്. ഓരോ ദിവസവും ദൈവം എന്നെ സംരക്ഷിച്ചുകൊള്ളും എന്ന ബോധ്യമാണ് അതില് നിന്ന് ഉരുവാകുന്നത്. ചുരുക്കത്തില് ദൈവം എന്റെ പിതാവാണെന്നുള്ള അനുഭവത്തില് വളരുകയാണിവിടെ. അതായത് നീ ദൈവപുത്രനായിത്തീരുകയാണെന്നര്ത്ഥം.
