യേശു, തനിക്ക് ഇഷ്ടമുള്ളവരെ അടുത്തേയ്ക്ക് വിളിച്ചു എന്നാണ് തിരുവചനം (3:13).
അടുത്തേയ്ക്ക് കൊണ്ടുവരുന്നതിന്റെയും കൂടെയാക്കുന്നതിന്റെയും മാനദണ്ഡം നിന്റെ ഹൃദയത്തിന്റെ ഇഷ്ടങ്ങള്‍ തന്നെയാകണം. നിന്റെ ഹൃദയത്തിന്റെ ഇഷ്ടങ്ങളെ നീ തിരിച്ചറിയുക എന്നതാണ് ആദ്യപടി. എന്നിട്ട് ഹൃദയപൊരുത്തം ഉള്ളവരുമായി ഒരുമിച്ചാകുമ്പോഴാണ് ജീവിതം സമാധാനപൂര്‍ണ്ണമാകുന്നത്.
ഹൃദയപൊരുത്തമുള്ളവരുമായി ഒരുമിച്ചാകാന്‍ നീ സമയവും അവസരവും കണ്ടെത്തണം; ഹൃദയത്തിന്റെ ഇഷ്ടങ്ങളെ അവരുമായി പങ്കുവയ്ക്കുവാനും. നിന്റെ ജീവിതം സന്തോഷകരമാക്കാനുള്ള മാര്‍ഗ്ഗമിതാണ്.
