സീറോ മലബാർ മേജർ ആർക്കി എപ്പിസ്കോപ്പൽ സഭ സിനഡിനു സഭയുടെ ആസ്ഥാന കാര്യാലയമായ കാക്കനാട് മൗണ്ട് സെന്റ് തോമസിൽ നാളെ തുടക്കമാകും. മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരിയുടെ അധ്യക്ഷതയിൽ നടക്കുന്ന സിനഡിൽ സഭയിലെ എല്ലാ മെത്രാന്മാരും പങ്കെടുക്കും. സീറോ മലബാർ സഭയുടെ 27-ാമതു സിനഡിന്റെ ഒന്നാമത്തെ സെഷനാണു നാളെ ആരംഭിക്കുന്നത്.
സിനഡിനു മുന്നോടിയായുള്ള പ്രാരംഭധ്യാനം പാലാ രൂപത സഹായമെത്രാൻ മാർ ജേക്കബ് മുരിക്കൻ നയിക്കും. തുടർന്നു മേജർ ആർച്ച്ബിഷപ് ദീപം തെളിച്ചു സിനഡിന്റെ ഉദ്ഘാടനം നിർവഹിക്കും. സഭയും സമൂഹവുമായി ബന്ധപ്പെട്ട വിവിധ വിഷയങ്ങൾ ചർച്ച ചെയ്യുന്ന സിനഡ് 18നു സമാപിക്കും.