സീറോ മലബാര്‍ കൈത്താക്കാലം നാലാം തിങ്കള്‍ ആഗസ്റ്റ് 02 ലൂക്കാ 18: 25-30 ദൈവത്തിന് ഒന്നും അസാധ്യമല്ല

”മനുഷ്യര്‍ക്ക്‌ അസാധ്യമായത് ദൈവത്തിന് സാധ്യമാണ്” (27) എന്ന വചനം നമുക്കൊക്കെ ബലം പകരേണ്ടതാണ്. രക്ഷ പ്രാപിക്കാന്‍ എന്തു ചെയ്യണം എന്നതിന്റെ ഉത്തരമായി ഈശോ പറയുന്ന ഈ വചനം, ജീവിതത്തിന്റെ പ്രതിസന്ധികളില്‍പെട്ട് ഉഴലുന്നവര്‍ക്ക് വലിയ ഉറപ്പാണ് നല്‍കുന്നത്. നമുക്ക് സാധ്യമല്ലാത്ത കാര്യങ്ങള്‍ക്കു മുമ്പില്‍ പകച്ച്, ഭയന്നുനില്‍ക്കുകയാണ് പലപ്പോഴും നമ്മള്‍ ചെയ്യാറുള്ളത്. അത്തരം കാര്യങ്ങളിലേയ്ക്ക് ദൈവത്തെ ക്ഷണിക്കുന്നതില്‍ നമ്മള്‍ പരാജയപ്പെടുകയും ചെയ്യുന്നു. അതോടെ പരാജയം പൂര്‍ണ്ണമാകുന്നു. നമുക്ക് സാധ്യമല്ലാത്ത കാര്യങ്ങളൊന്നും സാധ്യമല്ലെന്നു വിചാരിക്കുന്നത് എത്ര വിഡ്ഢിത്തമാണ്.

ഈ പ്രപഞ്ചത്തെ സൃഷ്ടിച്ചു പരിപാലിക്കുന്ന, നമ്മളെ സൃഷ്ടിച്ചു പരിപാലിക്കുന്ന ദൈവത്തിന് അസാധ്യമായി ഒന്നുമില്ല. എന്റെ രോഗങ്ങള്‍ മാറ്റാന്‍, കഷ്ടതകള്‍ ഇല്ലാതാക്കാന്‍, വേദനകള്‍ക്ക് ശമനമുണ്ടാക്കാന്‍ എനിക്ക് കഴിവില്ലായിരിക്കും. എന്നാല്‍, അതിന് കഴിവുള്ള ഒരു ദൈവം എനിക്കുണ്ട് എന്നതായിരിക്കട്ടെ എന്റെ ഏറ്റവും വലിയ ബലം.

ഫാ. ജി. കടൂപ്പാറയിൽ MCBS

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.