ദൈവത്തിന്റെ നീതിയും സ്നേഹവുമാണ് നിങ്ങൾ ചെയ്യേണ്ടത് എന്ന് ഈശോ പറയുന്നു. ജീവിതത്തിൽ യഥാർത്ഥത്തിൽ നമ്മൾ ചെയ്ത കൊണ്ടിരിക്കുന്നവ എന്താണന്ന് ധ്യാനിക്കുന്നത് നല്ലതാണ്.
ഈശോ ഫരിസേയർക്ക് ചൂണ്ടിക്കാണിച്ചു കൊടുത്തിരിക്കുന്നതു പോലെ, യഥാർത്ഥത്തിൽ ചെയ്യേണ്ടവ വിസ്മരിച്ചിട്ട് നമ്മൾ മറ്റ് കാര്യങ്ങൾ – അപ്രധാന കാര്യങ്ങൾ, നമുക്ക് ഇഷ്ടമുള്ളവ മാത്രം – ചെയ്തു നടക്കുകയാണോ? നമ്മുടെ വാക്കുകളിലൂടെയും പ്രവർത്തനങ്ങളിലൂടെയും തെളിയുന്നത് ദൈവത്തിന്റെ നീതിയും സ്നേഹവുമാണോ? അതോ, നമ്മൾ സ്വയം ഉണ്ടാക്കിയ, നമ്മുടെ ഹിതം മാത്രം പൂർത്തിയാക്കുന്ന കർമ്മങ്ങളോ? ദൈവത്തിന്റെ നീതിയും സ്നേഹവും വിസ്മരിച്ച് പ്രവർത്തിക്കുന്നവർക്ക് ദുരിതം എന്നാണ് ഈശോ പറയുന്നത്. ആ ദുരിതം നമ്മുടെ മേൽ വന്ന് ഭവിക്കാതിരിക്കട്ടെ.
ഫാ. ജി. കടൂപ്പാറയിൽ എം.സി.ബി.എസ്
