സീറോ മലബാർ ഏലിയാ ശ്ലീവാ മൂശാക്കാലം ആറാം തിങ്കള്‍ ഒക്ടോബർ 14 മത്തായി 18: 10-14 ആരും നശിക്കുവാന്‍ പിതാവ് ഇഷ്ടപ്പെടുന്നില്ല

ചെറിയവരിൽ ഒരുവനേയും നിന്ദിക്കാതിരിക്കാൻ സൂക്ഷിച്ചുകൊള്ളുക (10),  ചെറിയവരിൽ ഒരുവൻ പോലും നശിച്ചുപോവുക എന്നത് പിതാവിന്റെ ഹിതമല്ല (14) എന്നീ വാക്യങ്ങളും ഇവയ്ക്കിടയിലെ ഉപമയും, ചെറിയവർക്ക് ഈശോ നൽകുന്ന പ്രാധാന്യം വ്യക്തമാക്കുന്നവയാണ്.

തൊണ്ണൂറ്റിയൊൻപതിനെക്കാളും കരുതലും പ്രാധാന്യവും ഒന്നിന് നൽകുന്നു എന്നത് സാധാരണ മനുഷ്യബുദ്ധിക്ക് മനസിലാക്കാൻ പറ്റിയ കാര്യമല്ല. ഒറ്റപ്പെട്ടു പോയവരെ തള്ളിക്കളയാനാണ് നമുക്ക് എന്നും താൽപര്യം. പക്ഷേ, അവരെ ചേർത്തുനിർത്തുക എന്നതാണ് ക്രിസ്തുമാർഗ്ഗം. കുടുംബത്തിലും സമൂഹത്തിലുമൊക്കെ ഒറ്റപ്പെടുത്തിയതോ ഒറ്റപ്പെട്ടതോ ആയ ആളുകൾ കാണാനിടയുണ്ട്. അവരെ ഒരുമയിലേയ്ക്ക് കൊണ്ടുവരുന്നതിലാണ്, ക്രിസ്തുശിഷ്യർ എന്ന നിലയിൽ നമ്മുടെ വിജയം. നമ്മുടെ കാഴ്ചപ്പാടിലെ ചെറിയവർ ദൈവത്തിന്റെ മുമ്പിൽ വലിയവരാണ് എന്ന ചിന്ത നമ്മെ പുതിയ ജീവിതബോധ്യങ്ങളിലേയ്ക്ക് നയിക്കട്ടെ.

ഫാ. ജി. കടൂപ്പാറയിൽ MCBS

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.