സുവിശേഷ ഭാഗ്യങ്ങളിൽ എത്രയെണ്ണം, എന്നെക്കുറിച്ചു പറയുമ്പോൾ ശരിയാണെന്ന് നോക്കാനുള്ള ദിനമാണിത്. പ്രാർത്ഥനയുടെ സമയത്ത് നിശബ്ദമായി അവ ആവർത്തിക്കുക. അപ്പോൾ മനസിലാകും ഈശോയുടെ ഭാഗ്യവാൻ/ ഭാഗ്യവതി ലിസ്റ്റിൽ ഞാന്‍ ഉണ്ടോ ഇല്ലയോ എന്ന്.
ലോകത്തിന്റെ ദൃഷ്ടിയിൽ അവ ഭാഗ്യത്തിന്റെ അളവുകോലല്ല; ദൗർഭാഗ്യത്തിൻ്റേതാവും. ലോകത്തിന്റെ വിലയിരുത്തലല്ല ദൈവത്തിൻ്റേത്. ലോകത്തെ ജയിച്ചവന്റെ വിലയിരുത്തൽ ലോകത്തെ അതിജീവിക്കുന്ന വിലയിരുത്തലാണ്. ദൈവത്തിന്റെ ‘ഭാഗ്യ’ലിസ്റ്റിൽ നമ്മുടെ പേരുണ്ടോ എന്നറിയാൻ ഇന്നത്തെ സുവിശേഷഭാഗം ധ്യാനപൂർവ്വം വായിക്കാം.
ഫാ. ജി. കടൂപ്പാറയില്‍ MCBS
