യേശുവിന്റെ അധികാരത്തെക്കുറിച്ചാണ് പുരോഹിതപ്രമുഖരുടേയും നിയമജ്ഞരുടേയും ചോദ്യം. തന്റെ അധികാരം ദൈവത്തില്‍ നിന്നാണ് എന്ന് ഉറപ്പുള്ളതുകൊണ്ട് ചോദ്യം ചെയ്യലുകളെ യേശുവിന് ഭയമില്ല.
നമ്മുടെ ജീവിതത്തിലും ഈ ഒരു യേശുമാതൃക പ്രധാനപ്പെട്ടതാണ്. നമ്മുടേതായ എല്ലാ കാര്യങ്ങള്‍ക്കും ദൈവികപശ്ചാത്തലവും അടിത്തറയും ഉണ്ടെങ്കില്‍ നമുക്ക് ആരെയും ഭയക്കേണ്ട കാര്യമില്ല. എല്ലാം ദൈവത്തിൽ കേന്ദ്രീകരിക്കുക എന്നതാണ് പ്രധാനം; അതാണ് നമ്മൾ ചെയ്യേണ്ടതും. അപ്പോൾ എതിർപ്പുകളെ ഭയപ്പെടാതെ നമുക്ക് ജീവിക്കാൻ സാധിക്കും. ചോദ്യം ചെയ്യാന്‍ വരുന്നവര്‍ താനേ മടങ്ങിപ്പോയ്‌ക്കൊള്ളുകയും ചെയ്യും.
ഫാ. ജി. കടൂപ്പാറയില്‍ MCBS
