സീറോ മലബാര്‍ ശ്ലീഹാക്കാലം മൂന്നാം വ്യാഴം ജൂണ്‍ 27 ലൂക്കാ 8: 4-15 വിതയ്ക്കപ്പെട്ട വചനം

“ഈ ഉപമയുടെ അര്‍ത്ഥമെന്ത് എന്ന് ശിഷ്യന്മാര്‍ അവനോടു ചോദിച്ചു” (9). അവര്‍ക്ക് ഈശോ അത് വ്യാഖ്യാനിച്ചു നല്‍കുകയും ചെയ്തു. ചോദിക്കുന്നവര്‍ക്കാണ് ദൈവരാജ്യത്തിന്റെ രഹസ്യങ്ങള്‍ അവന്‍ നല്‍കുന്നത്. വചനം മുളയെടുക്കുന്നതും വേരുപിടിക്കുന്നതും ഫലം പുറപ്പെടുവിക്കുന്നതും അങ്ങനെയാണ്. എന്നുവച്ചാല്‍ വചനത്തിന്റെ അര്‍ത്ഥം അറിയാന്‍ യേശുവിന്റെ അടുത്തിരിക്കുക; അവനോട് ചോദിക്കുക.

ഇന്നും യേശു നിന്നെ ശിഷ്യനായി/ ശിഷ്യയായി പരിശീലിപ്പിക്കുകയാണ്. വചനത്തിന്റെ അര്‍ത്ഥവും അന്വേഷിച്ച് യേശുവിന്റെ അടുത്തിരിക്കുന്നത് ശീലമാക്കുക. അതു മാത്രമല്ല; ജീവിതത്തില്‍ സംഭവിക്കുന്ന എല്ലാക്കാര്യങ്ങളുടെയും അര്‍ത്ഥമറിയാന്‍ ഈശോയുടെ മുന്പിലിരിക്കുക. ലോകം മുഴുവന്‍ ഓടിനടക്കുന്നതിലും നല്ലതാണ് ഈശോയുടെ മുന്പിലിരിക്കുക എന്നത്. അപ്പോള്‍ വചനം നിന്നില്‍ നൂറ് മേനി വിളയുന്നത് തിരിച്ചറിയാനാവും.

ഫാ. ജി. കടൂപ്പാറയിൽ MCBS

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.