പുതുവര്‍ഷം, നമ്മുടെ കര്‍ത്താവിന്റെ നാമകരണ തിരുനാളും കര്‍ത്താവിന്റെ അമ്മയുടെ ദൈവമാതൃത്വ തിരുനാളും ആഘോഷിച്ച് നമ്മള്‍ ആരംഭിക്കുകയാണ്. “അവന്‍ ഗര്‍ഭത്തില്‍ ഉരുവാകുന്നതിനു മുന്‍പ് ദൂതന്‍ വിളിച്ച യേശു എന്ന പേര് അവനു നല്‍കി.” എല്ലാം ദൈവത്തിന്റെ ഇഷ്ടമനുസരിച്ചും ഹിതമനുസരിച്ചുമാണ് മുന്നോട്ടു പോകുന്നതെന്ന സത്യം ഈ വചനത്തിലൂടെ ഒരിക്കല്‍ക്കൂടി നമ്മള്‍ ഓര്‍മ്മിക്കുന്നു.
ഈ പുതിയ വര്‍ഷത്തിലും നമ്മുടെ ജീവിതത്തില്‍ സംഭവിക്കുന്നതെല്ലാം ദൈവത്തിന്റെ പദ്ധതി അനുസരിച്ചായിരിക്കും. അതിനു കീഴ്വഴങ്ങാനുള്ള മനസ്സ് നമ്മള്‍ വളര്‍ത്തിയെടുക്കുകയാണ് ചെയ്യേണ്ടത്. മുന്നില്‍ വന്നുനില്‍ക്കുന്ന ദൈവവഴികളെ കാണാനും അതിലൂടെ വിനയപൂര്‍വ്വം സഞ്ചരിക്കാനും നമുക്ക് സാധിക്കട്ടെ.
ഫാ. ജി .കടൂ പ്പാറയില്‍ MCBS
