“നിങ്ങള് കാണുന്നതും കേള്ക്കുന്നതും പോയി യോഹന്നാനെ അറിയിക്കുക” എന്നാണ് ഈശോ ശിഷ്യരോട് പറയുന്നത്. അന്ധര് കാണുന്നു; മുടന്തര് നടക്കുന്നു; കുഷ്ഠരോഗികള് ശുദ്ധരാക്കപ്പെടുന്നു; ബധിരര് കേള്ക്കുന്നു; മരിച്ചവര് ഉയിര്പ്പിക്കപ്പെടുന്നു; ദരിദ്രരോട് സുവിശേഷം അറിയിക്കപ്പെടുന്നു – ഇതൊക്കെയാണ് ശിഷ്യര് കാണുന്നതും കേള്ക്കുന്നതും. ഇതാണ് യോഹന്നാനെ അറിയിക്കേണ്ടതും.
ഈശോ ചെയ്യുന്ന നന്മകള് യോഹന്നാനെ അറിയിക്കുക – ഈശോ ചെയ്യുന്ന നന്മകള് മറ്റുള്ളവരെ അറിയിക്കുക എന്നതു തന്നെയാണ് നമ്മുടെയും ഉത്തരവാദിത്വം. കുറച്ചുകൂടി കൃത്യമായി പറഞ്ഞാല്, ‘നന്മകള് അറിയിക്കുക’ എന്നതാണ് നമ്മുടെ ഉത്തരവാദിത്വം. മറ്റുള്ളവരുടെ നന്മകളാണോ നമ്മള് അറിയിക്കുന്നത് എന്ന് നമ്മള് സ്വകാര്യമായി ധ്യാനിക്കേണ്ട വിഷയമാണ്.
ഫാ. ജി. കടൂപ്പാറയില് MCBS