ദൈവത്തെയോ ഈശോയെയോ അറിയാത്തവരോടൊപ്പം ജീവിക്കേണ്ടിവരികയാണെങ്കിൽ സംഭവിക്കാവുന്ന കാര്യങ്ങളെക്കുറിച്ചുള്ള മുന്നറിയിപ്പുകൾ നമ്മൾ വചനത്തിൽ വായിക്കുന്നു. നാം ക്രിസ്തുവിനുവേണ്ടി ജീവിക്കുമ്പോഴും നിലകൊള്ളുമ്പോഴും നമ്മളെ ഉപദ്രവിക്കുകയും കൊല്ലുകയും ചെയ്യുന്നവർ ദൈവത്തെ അറിയാത്തവരാണ്; അവർക്ക് ഈശോയെയും അറിയില്ല.
ഇതിനൊരു മറുവശം ഉണ്ട്. നന്മ ചെയ്യുകയും നന്മയിൽ ജീവിക്കുകയും ചെയ്യുന്നവരെ ഉപദ്രവിക്കാനും ഇല്ലാതാക്കാനും നമ്മൾ ശ്രമിക്കുകയാണെങ്കിൽ ഈശോ നമ്മളോടും പറയും: ‘നിങ്ങൾ എന്നെയോ എന്റെ പിതാവിനെയോ അറിയാത്തവരാണ്’ എന്ന്. ദൈവത്തെയും ഈശോയെയും യഥാർത്ഥത്തിൽ അറിയുന്നവർ നന്മയേ പ്രവർത്തിക്കൂ. നമ്മുടെ പ്രവർത്തനങ്ങള്‍ എപ്രകാരമെന്ന് നമുക്ക് പരിശോധിക്കാം. ആശ്വാസദായകനായ പരിശുദ്ധാത്മാവിന്റെ സാന്നിധ്യത്തെക്കുറിച്ച് നമ്മൾ ബോധ്യമുള്ളവരാണോ എന്നും ധ്യാനിക്കണം.
ഫാ. ജി. കടൂപ്പാറയിൽ MCBS
