പരിശുദ്ധ അമ്മയെ മാതൃകയായാണ് നമ്മള് കാണുന്നത്. ദൈവഹിതത്തിന് കീഴ്വഴങ്ങേണ്ടതിന്റെ, എളിമയുടെ, സമര്പ്പണത്തിന്റെ, സഹനത്തിന്റെ, പ്രതീക്ഷയുടെ, പരസ്നേഹത്തിന്റെ, മറ്റുള്ളവരെ അംഗീകരിക്കുന്നതിന്റെ ഒക്കെ. സ്വര്ഗ്ഗാരോപണത്തിരുനാളും നമുക്ക് നല്കുന്നത് മറ്റൊരു മഹനീയമാതൃകയാണ്; നമുക്കും സ്വര്ഗ്ഗത്തില് പോകാം എന്നതിന്റെ മാതൃക.
നമ്മളെപ്പോലെ ഈ ഭൂമിയില് ജീവിച്ച പരിശുദ്ധ മറിയം സ്വര്ഗ്ഗാരോപിതയായെങ്കില്, അമ്മയുടെ മക്കളായ നമ്മളും അതിന് അര്ഹരാകും എന്ന വലിയ പ്രതീക്ഷയാണ് ഈ തിരുനാള് നമുക്കോരോരുത്തര്ക്കും നല്കുന്നത്. ഭൂമിയില് നല്ലവരായി ജീവിക്കാനും സ്വര്ഗ്ഗത്തില് സ്വന്തം ഇടം ഭൂമിയില് ആയിരിക്കുമ്പോഴേ ഒരുക്കാനും പരിശുദ്ധ അമ്മയുടെ മാതൃക നമ്മെ സഹായിക്കട്ടെ. നമ്മുടെ രാജ്യത്തിന്റെ സ്വാതന്ത്ര്യദിന ആശംസകളും എല്ലാവര്ക്കും നേരുന്നു.
ഫാ. ജി. കടൂപ്പാറയില് MCBS