എമ്മാവൂസിലേക്ക് പോകുന്ന ശിഷ്യന്മാർ തർക്കത്തിലും വാദപ്രതിവാദത്തിലുമാണ്. അതുകൊണ്ടു തന്നെ അവർക്കൊപ്പം യാത്ര ചെയ്ത ക്രിസ്തുവിനെ അവർക്ക് കാണാൻ സാധിക്കുന്നില്ല, തിരിച്ചറിയാൻ സാധിക്കുന്നില്ല.
നമ്മളും ജീവിതത്തിൽ പലപ്പോഴും ഇങ്ങനെയല്ലേ. തർക്കങ്ങളും തമ്മിലുള്ള വഴക്കുകളും കാരണം ഒപ്പമുള്ള ക്രിസ്തുവിനെ കാണാനും അനുഭവിക്കാനും നമുക്കും സാധിക്കാറില്ല. പരസ്പരമുള്ള തർക്കങ്ങൾ അവസാനിപ്പിച്ച് യേശുവിനോട് സംസാരിക്കാൻ ആരംഭിക്കുന്നിടത്താണ് അവരുടെ ജീവിതത്തിലെ മാറ്റവും ആരംഭിക്കുന്നത്. അത് വചനം പങ്കുവയ്ക്കുന്നതിലും ഒടുവിൽ അപ്പം മുറിക്കുന്നതിലും എത്തിനിൽക്കുന്നു. അതിലൂടെ അവരുടെ ഹൃദയങ്ങൾ ജ്വലിക്കുകയും കണ്ണുകൾ തുറക്കപ്പെടുകയും ചെയ്യുന്നു. നമ്മളും ജീവിതത്തിൽ ക്രിസ്തുവിനോട് സംസാരിക്കാൻ ആരംഭിക്കുക. അപ്പോൾ മാറ്റങ്ങൾ ആരംഭിക്കും.
ഫാ. ജി കടൂപ്പാറയിൽ MCBS
