ജീവിതത്തിൽ സംഭവിക്കുന്നതെല്ലാം ദൈവത്തിന്റെ പദ്ധതി അനുസരിച്ചാണ് എന്ന് ഇന്നത്തെ വചനഭാഗം നമ്മെ ഒരിക്കൽക്കൂടി ഓർമ്മപ്പെടുത്തുന്നു. അഗസ്റ്റസ് സീസറിന്റെ കല്പന അനുസരിച്ച് ജോസഫ് പേരെഴുതിക്കാനായി മറിയത്തോടൊപ്പം ദാവീദിന്റെ പട്ടണമായ ബെത്ലഹേമിലേക്കു പോകുന്നു. വാഗ്ദാനം ചെയ്യപ്പെട്ട രക്ഷകന് – ഈശോ- ജനിക്കേണ്ട സ്ഥലമാണ് ബെത്ലഹേം. യൗസേപ്പിന്റെയും മറിയത്തിന്റെയും യാത്ര ദുരിതപൂര്ണ്ണമാണെങ്കിലും അവര് എത്തിച്ചേരുന്നത് ബെത്ലഹേമിലാണ്.
നമ്മുടെയും ജീവിതത്തില് ദുരിതവും ദുഃഖവും സംഭവിക്കുമ്പോള് ഓര്മ്മിക്കുക, അതിലൂടെ നമ്മള് എത്തിച്ചേരേണ്ട ഒരിടം ദൈവത്തിന്റെ മനസിലുണ്ടെന്ന്. എല്ലാ സഹനാനുഭവങ്ങളും മൂല്യമുള്ളവയാണ്.
ഫാ. ജി. കടൂപ്പാറയിൽ MCBS