സകല മരിച്ചവരുടേയും ഓർമ്മ

നമ്മൾ എല്ലാവരും ഒരിക്കൽ കടന്നു പോകേണ്ട കവാടത്തിലൂടെ നമുക്ക് മുൻപേ കടന്നു പോയവരെ ഓർമ്മിക്കുകയും പ്രാർത്ഥിക്കുകയും ചെയ്യുന്ന ദിനമാണിന്ന്. മരിച്ചവരുടെ ഓർമ്മകളുമായി ഈ ദിനം ചിലവഴിക്കുമ്പോൾ ചില കാര്യങ്ങൾ ഓർമ്മിക്കുന്നത് നല്ലതാണ്.

ഒന്ന്, ഈ ഭൂമി യെ ഇത്ര മനോഹരമാക്കിയത് നമുക്ക് മുൻപേ ജീവിച്ചവരുടെ അധ്വാനമാണ്. രണ്ട്, നമ്മൾ ഈ ഭൂമിയിലേയ്ക്ക് വരാൻ ദൈവം വഴിയൊരുക്കിയത് അവരിലൂടെയായിരുന്നു. മൂന്ന്, ഒരു നന്മ പോലും ചെയ്യാതെ ഒരാൾ പോലും കടന്നു പോയിട്ടുണ്ടാവില്ല. ആ നന്മയുടെ ഫലങ്ങളാണ് ഇന്ന് ഏതെങ്കിലുമൊക്കെ വിധത്തിൽ നമുക്ക് സഹായകരമായിരിക്കുന്നത്. നാല്, നമുക്ക് മുമ്പേ മരിച്ചവർ, നമ്മളും എന്നെങ്കിലും മരിക്കും എന്ന സത്യം നമ്മെ ഓർമ്മിപ്പിക്കുന്നു.

ക്രിസ്തുവിൽ നമ്മൾ എല്ലാവരും ഒന്നാണ് എന്ന സത്യം നമ്മെ നയിക്കട്ടെ.

ഫാ. ജി. കടൂപ്പാറയിൽ എം.സി.ബി.എസ്

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.