‘മിഷനെ അറിയുക, മിഷനറിയാവുക’ എന്ന ആപ്തവാക്യവുമായി 2022 -ലെ സീറോ മലബാർ പ്രേഷിത വാരാചരണം ആരംഭിച്ചു. സഭാകേന്ദ്ര കാര്യാലയമായ കാക്കനാട് മൗണ്ട് സെന്റ് തോമസിൽ മേജർ ആർച്ചുബിഷപ്പ് കർദിനാൾ മാർ ജോർജ് ആലഞ്ചേരി ഉദ്‌ഘാടനം നിർവഹിച്ചു.
കോവിഡ് മഹാമാരി സൃഷ്ടിച്ചിരിക്കുന്ന വിശേഷ സാഹചര്യത്തിലും ഭഗ്നാശരാകാതെ നൂതന മാർഗങ്ങൾ കണ്ടെത്തി പ്രേഷിത പ്രവർത്തനങ്ങളിൽ തീക്ഷണതയോടെ മുന്നേറണമെന്ന് മേജർ ആർച്ചുബിഷപ്പ് ആഹ്വാനം ചെയ്തു. എല്ലാവർഷവും ജനുവരി ആറു മുതൽ 12 വരെയാണ് പ്രേഷിത വാരാചരണം നടത്തുന്നത്.
