വി. പത്രോസിന്റെ ബസിലിക്കയില് ജനുവരി 24, തിരുവചനത്തിന്റെ ഞായറില് ഫ്രാന്സിസ് പാപ്പാ ദിവ്യബലി അര്പ്പിക്കുകയും വചനപ്രഭാഷണം നടത്തുകയും ചെയ്യും. ഞായറാഴ്ച പ്രാദേശികസമയം രാവിലെ 10 മണിക്ക്, ഇന്ത്യന് സമയം ഉച്ചതിരിഞ്ഞ് 2.30-നാണ് പാപ്പാ ദിവ്യബലി അര്പ്പിക്കുന്നത്. കോവിഡ് 19-ന്റെ വ്യാപനം കണക്കിലെടുത്ത് വളരെ കുറച്ചുപേരുടെ കൂട്ടായ്മയിലായിരിക്കും പാപ്പാ ബസിലിക്കയിലെ ഭദ്രാസനത്തിന്റെ അള്ത്താരയില് ദിവ്യബലി അര്പ്പിക്കുന്നത്.
പ്രാദേശികസമയം കൃത്യം 12 മണിക്ക്, ഇന്ത്യന് സമയം വൈകുന്നരം 4.30-ന് പാപ്പാ അപ്പസ്തോലിക അരമനയിലെ ഗ്രന്ഥാലയത്തില് നിന്നും ഓണ്ലൈനില് ത്രികാലപ്രാര്ത്ഥനയ്ക്ക് നേതൃത്വം നല്കുകയും ജനങ്ങളെ അഭിവാദ്യം ചെയ്യുകയും ചെയ്യും.