ജോസഫ് ചിന്തകൾ 148: ഓ ഈശോയുടെ പിതാവേ, എന്റെയും പിതാവാകണമേ

ആംഗ്ലിക്കൻ സഭയിൽ നിന്ന് കത്തോലിക്കാ സഭയിലേക്കു വരുകയും പുരോഹിതനായി അഭിഷിക്തനാവുകയും ചെയ്ത വ്യക്തിയാണ് ഫ്രെഡറിക് വില്യം ഫാബർ (1814-1863). നല്ലൊരു ദൈവശാസ്ത്രജ്ഞനും ഗാനരചയിതാവുമായിരുന്ന ഫാബർ നിരവധി ഗാനങ്ങൾ എഴുതിയിട്ടുണ്ട്. അദ്ദേഹം എഴുതിയ വി. യൗസേപ്പിനെക്കുറിച്ചുള്ള ‘ഓ, ഭാഗ്യപ്പെട്ട വി. യൗസേപ്പിതാവേ…’ എന്ന കവിതയാണ് ഇന്നത്തെ ജോസഫ് ചിന്ത.

ഓ ഭാഗ്യപ്പെട്ട വി. യൗസേപ്പേ, എത്രയോ വലുതാണ് നിന്റെ മഹിമ. ഭൂമിയിൽ ദൈവത്തിന്റെ നിഴലാകാൻ തിരഞ്ഞെടുക്കകപ്പെട്ടവൻ! ഈശോയുടെ പിതാവായ നീ മറിയത്തിന്റെ മാധുര്യമുള്ള ജീവിതപങ്കാളിയും എന്റെ പിതാവുമാണ്. നീ തീർത്ഥാടകർക്കു പിതാവും വഴികാട്ടിയും. ഈശോയും മറിയവും നിന്റെ അരികിൽ സുരക്ഷിതത്വം അനുഭവിച്ചു. ഓ, ഭാഗ്യപ്പെട്ട വി. യൗസേപ്പേ, മറിയത്തിന്റെ മാധുര്യമുള്ള ജീവിതപങ്കാളിയേ, നീ എന്നോടൊപ്പം ഉണ്ടെങ്കിൽ ഞാൻ എത്ര സുരക്ഷിതനായിരിക്കും!

ദൈവത്തിന്റെ നിധികൾ ഭൂമിയിൽ അഭയമില്ലാതായപ്പോൾ നിന്റെ ശ്രേഷ്ഠതയിൽ അവർ സുരക്ഷിതത്വം കണ്ടെത്തി! ഓ ഈശോയുടെ പിതാവേ, എന്റെയും പിതാവാകണമേ! മറിയത്തിന്റെ മാധുര്യമുള്ള പങ്കാളി! ഞാൻ നിന്നെ സ്നേഹിക്കുന്നു.

ഫാ. ജയ്സൺ കുന്നേൽ MCBS

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.