പള്ളിയിലേയ്ക്ക് പോവുകയായിരുന്ന കന്യാസ്ത്രീ കാറിടിച്ച് മരിച്ചു. മറ്റൊരു കന്യാസ്ത്രീക്ക് പരിക്കേറ്റു. ഫ്രാൻസിസ്കൻ ക്ലാരിസ്റ്റ് കോൺഗ്രിഗേഷൻ തലശേരി സെന്റ് ജോസഫ് പ്രൊവിൻസിലെ കരിമ്പം ഫാത്തിമ ഭവനാംഗമായ സി. റെജീന മരിയ (77) യാണ് മരിച്ചത്. സി. സാന്ദ്ര എഫ്.സി.സി. (32) ക്കാണ് പരിക്കേറ്റത്. സംസ്ഥാന പാതയായ കൂർഗ് ബോർഡർ റോഡിൽ പുഷ്പഗിരി ദർശന ധ്യാനകേന്ദ്രത്തിനു മുന്നിൽ ഇന്നലെ പുലർച്ചെ 5.50-നായിരുന്നു അപകടം.
ഗുരുതരമായി പരിക്കേറ്റ സി. റെജീനയെ കണ്ണൂർ മിംസ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. സി. റെജീനയുടെ സംസ്കാരശുശ്രൂഷ ഇന്ന് ഉച്ചകഴിഞ്ഞ് മൂന്നിന് കുന്നോത്ത് സെന്റ് തോമസ് ഫൊറോന ദേവാലയത്തിൽ ആരംഭിക്കും.
കുരിയന്താനത്ത് മത്തായി – ഏലിക്കുട്ടി ദമ്പതികളുടെ മൂന്നാമത്തെ മകളാണ് സി. റെജീന മരിയ (കെ.എം. ഏലി).
സഹോദരങ്ങൾ: മറിയക്കുട്ടി, ചാക്കോ (ചെമ്പന്തൊട്ടി), സി. ജീന എഫ്.സി.സി. (പെർള), പരേതനായ ഫാ. ജോസ് എം. കുരിയന്താനത്ത്.
