വചനത്തിന്റെ സൗഖ്യദായകശക്തിയില്‍ നിന്ന് ഒരാളും ഒഴിവാകരുതെന്ന ലക്ഷ്യത്തോടെ ഇനി മുതല്‍ ഫ്രാന്‍സിസ് മാര്‍പാപ്പയുടെ വചനസന്ദേശങ്ങള്‍ ആംഗ്യഭാഷയിലും. അമേരിക്കന്‍ ആംഗ്യഭാഷയിലാണ് ഇപ്പോള്‍ മുതല്‍ വിശ്വാസികള്‍ക്കായി ഈ സൗകര്യം ക്രമീകരിച്ചിരിക്കുന്നത്. തുടക്കമെന്ന നിലയില്‍ ഏപ്രില്‍ 19 -ലേയും സന്ദേശങ്ങളാണ് ആംഗ്യഭാഷ വഴി ലഭ്യമാകുന്നത്.
എല്ലാവരും ദൈവവചനവും പാപ്പായുടെ സന്ദേശവും ശ്രവിക്കണം എന്നതാണ് ഇതിന്റെ ലക്ഷ്യമെന്ന് ഈ പ്രോജക്ടുമായി ബന്ധപ്പെട്ടു പ്രവര്‍ത്തിക്കുന്ന സിസ്റ്റര്‍ വെറോണിക്ക അമാറ്റ പറയുന്നു. പത്രോസിന്റെ പിന്‍ഗാമിയുടെ വാക്കുകള്‍ എല്ലാവര്‍ക്കും വേണ്ടിയുള്ളതാണ് – സിസ്റ്റര്‍ കൂട്ടിച്ചേര്‍ക്കുന്നു. സിസ്റ്റര്‍ക്ക് ശ്രവണശക്തിയുണ്ടെങ്കിലും ബധിരമാതാപിതാക്കളുടെ മകളായിട്ടായിരുന്നു ജനനം. കേള്‍വിത്തകരാറുള്ള ഒരു സഹോദരനുമുണ്ട്.
