ഏഴു വർഷങ്ങൾക്കു ശേഷം ദേവാലയമണികൾ മുഴങ്ങി; പ്രതീക്ഷയോടെ മൊസൂളിലെ ക്രൈസ്തവർ 

വേദനയുടെയും അടിച്ചമർത്തലുകളുടെയും ഏഴു വർഷങ്ങൾക്കു ശേഷം മൊസൂളിലെ ദേവാലയത്തിൽ നിന്ന് ദേവാലയമണികൾ മുഴങ്ങി. സെപ്റ്റംബർ 18 -ന് മൊസൂളിലെ മാർ തോമസ്‌ സിറിയക്ക്-കത്തോലിക്കാ ഇടവക ദേവാലയത്തിൽ വച്ച് ഇടവക വികാരിയായ ഫാ. പിയോസ് അഫാസാണ് മണി മുഴക്കിയത്. ഐഎസ് തീവ്രവാദികൾ കനത്ത ആക്രമണം അഴിച്ചുവിട്ട ഇറാഖിലെ മൊസൂളിൽ ക്രൈസ്തവസമൂഹത്തിന് ഈ പള്ളിമണികൾ മുഴങ്ങിയ നിമിഷങ്ങൾ പ്രതീക്ഷയുടെയും പ്രത്യാശയുടെയും നിമിഷങ്ങളായി മാറിയിരുന്നു.

2014 -നു ശേഷം ഇത് ആദ്യമായാണ് മൊസൂളിലെ ഈ ദേവാലയത്തിൽ നിന്നും പള്ളിമണി മുഴങ്ങുന്നത്. ലെബനോനിൽ നിർമ്മിച്ച ദേവാലയമണിക്ക് 12,000 ഡോളറാണ് ചിലവായത്. “തങ്ങളുടെ ദേവാലയങ്ങളും അൾത്താരകളും വിശുദ്ധ രൂപങ്ങളും തീവ്രവാദികൾ തകർക്കുകയും ക്രിസ്തീയഗ്രന്ഥങ്ങളും മറ്റും അഗ്നിക്കിരയാക്കുകയും ചെയ്തു. എന്നാൽ പുതിയ ദേവാലയമണിയുടെ ഉദ്ഘാടനം ഇടവകയെ സംബന്ധിച്ചിടത്തോളം ആഹ്ലാദത്തിന്റെ നിമിഷമായിരുന്നെന്നും ഈ മണിമുഴക്കം പുതിയൊരു തുടക്കത്തിന്റെ സൂചനയാണ്” എന്നും ഫാ. പിയോസ് പറഞ്ഞു.

പാപ്പായുടെ ഇറാഖ് സന്ദർശനത്തിന്റെ ആറു മാസങ്ങൾക്കു ശേഷമാണ് ഈ സംഭവമെന്നതും ശ്രദ്ധേയമാണ്. പാപ്പായുടെ സന്ദർശനം, തകർന്ന നഗരത്തിന്റെ പുനർനിർമ്മാണവും ക്രൈസ്തവരുടെ ഉയർത്തെഴുന്നേൽപ്പും സാധ്യമാക്കും എന്ന പ്രത്യാശയും അദ്ദേഹം പങ്കുവച്ചു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.