ചുങ്കം മേഖല സ്വാശ്രയ നേതൃത്വപരിശീലന പരിപാടിയും കര്‍മ്മരേഖാ രൂപീകരണവും നടത്തപ്പെട്ടു

കോട്ടയം അതിരൂപതയുടെ സാമൂഹ്യസേവന വിഭാഗമായ കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ ചുങ്കം മേഖലയിലെ സ്വാശ്രയ സന്നദ്ധപ്രതിനിധികളെ പങ്കെടുപ്പിച്ചുകൊണ്ട് നേതൃത്വപരിശീലന പരിപാടിയും കര്‍മ്മരേഖാ രൂപീകരണവും നടത്തപ്പെട്ടു. തൊടുപുഴ ചുങ്കം സെന്റ് മേരീസ് ഫൊറോനാ ചര്‍ച്ച് പാരീഷ് ഹാളില്‍ സംഘടിപ്പിച്ച നേതൃത്വപരിശീലന പരിപാടിയുടെ ഉദ്ഘാടനം ചുങ്കം സെന്റ് മേരീസ് ചര്‍ച്ച് ഫൊറോനാ വികാരിയും ഗ്രാമവികസന സമിതി പ്രസിഡന്റുമായ റവ. ഫാ. ജോസ് അരീച്ചിറ നിര്‍വ്വഹിച്ചു.

തൊടുപുഴ മുനിസിപ്പാലിറ്റി മുന്‍ കൗണ്‍സിലര്‍ സുമ ശിവരാമന്‍ ചടങ്ങില്‍ അദ്ധ്യക്ഷത വഹിച്ചു. കെ.എസ്.എസ്.എസ് അസി. ഡയറക്ടര്‍ ഫാ. സിറിയക് ഓട്ടപ്പള്ളില്‍, കോര്‍ഡിനേറ്റര്‍മാരായ ബെസ്സി ജോസ്, മേഴ്‌സി സ്റ്റീഫന്‍, ബിസി ചാക്കോ എന്നിവര്‍ പ്രസംഗിച്ചു.

കെ.എസ്.എസ്.എസ് ചുങ്കം മേഖലയുടെ നേതൃത്വത്തില്‍ സംഘടിപ്പിച്ച പരിശീലന പരിപാടിയോടനുബന്ധിച്ച് സ്വാശ്രയസംഘ മേഖല ഫെഡറേഷന്‍ ഭാരവാഹികളുടെ തിരഞ്ഞെടുപ്പും എസ്.എസ്.എല്‍.സി പരീക്ഷയിലെ എ പ്ലസ് വിജയികളെ ആദരിക്കലും നടത്തപ്പെട്ടു. സ്വശ്രയസംഘ പ്രവര്‍ത്തനങ്ങള്‍ക്ക് പുതിയ ദിശാബോധം നല്‍കി നൂതന കര്‍മ്മപദ്ധതികള്‍ ആസൂത്രണം ചെയ്യുക എന്ന ലക്ഷ്യത്തോടെയാണ് പരിശീലന പരിപാടി സംഘടിപ്പിച്ചത്.

ഫാ. സുനില്‍ പെരുമാനൂര്‍, എക്‌സിക്യൂട്ടീവ് ഡയറക്ടര്‍

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.